Plantun de Prouvènço

Pèr coumpara dos planto d'encò nostre

Bupleurum rigidum & Orobanche laserpitii-sileris

Bupleurum rigidum

Apiaceae Umbelliferae

Noms en français : Buplèvre raide, Oreille-de-lièvre.

Descripcioun :
L'auriho-de-lèbre es uno planto coumuno que trachis souto lis éuse e dins la garrigo de colo. Flouris l'estiéu, la planto èi drecho e seco, se recounèis à si lònguis fueio que dounon d'èr à d'auriho, èi verai, de lèbre. Coume tóuti li Bupleurum fai de pichòti flour jauno.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 0,3 à 0,6 m
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Bupleurum
Famiho : Apiaceae
Famiho classico : Umbelliferae

Ordre : Apiales

Coulour de la flour : Jauno
Petalo : 5
Ø (o loungour) flour : 3 mm
Flourido : Estiéu - Autouno

Sòu : Ca
Autour basso e auto : 0 à 600 m
Aparado : Noun

Liò : Garrigo - Tepiero seco - Colo
Estànci : Mesoumediterran à Subremediterran
Couroulougi : Estenoumediterran
Ref. sc. : Bupleurum rigidum L., 1753

Erbo-de-taurèu(-dóu-laser)

Orobanche laserpitii-sileris

Orobanchaceae

Nom en français : Orobanche du sermontain.

Descripcioun :
Aquesto grando erbo-de-taurèu, raro au nostre, trachis dins li roucaio e lis esboudèu. Parasito l'angelicasso-de-mountagno (Laserpitium siler), ço qu'es un bon mouien de la recounèisse. Fai partido dóu group qu'a l'estigmate jaune e la labro de flour d'en bas bourdado de péu. Sèmblo proun à Orobanche kochii.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 30 à 70 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Orobanche
Famiho : Orobanchaceae

Ordre : Lamiales

Coulour de la flour : Jauno
Petalo : irreguliero
Ø (o loungour) flour : 22 à 30 mm
Flourido : Printèms - Estiéu

Sòu : Ca
Autour basso e auto : 500 à 1200 m
Aparado : Noun
Jun à juliet

Liò : Roucaio - Esboudèu
Estànci : Subremediterran à Subaupen
Couroulougi : Ouroufito-Sud-Éuroupenco
Ref. sc. : Orobanche laserpitii-sileris Reut. ex Jord., 1846

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

RRR

ges

Bupleurum rigidum & Orobanche laserpitii-sileris

ges

Coumpara Auriho-de-lèbre emé uno autro planto

Coumpara Erbo-de-taurèu(-dóu-laser) emé uno autro planto